• Басты бет
• Жаңалықтар

Жаңалықтар

• 09.12.2020 23-27 қараша аралығында «Еркін елдің ертеңі – кемел білім мен ана тілінде» тақырыбында оқушыларға тіл – ұлттың мақтанышы, тірегі, жүрегі екендігіне кең түсінік бере отырып, туған тілін құрметтеу, тілді ұлттық мұра ретінде қастерлеу мақсатында 5-11 сынып оқушыларына арналған қашықтықтан Жұбан Молдағалиевтің 100 жылдық мерейтойына орай «Мен - қазақпын мың өліп, мың тірілген» атты эссе жазу байқауы, «Қымбат маған ана тілім, бал тілім, қымбат маған дана тілім, ар тілім» тақырыбында оқушылардың ана тілі туралы ойлары, пікірлері талқыға алынды, М.Мақатаевтың 90- жылдық мерейтойына орай «Поэзия, менімен егіз бе едің?» атты мәнерлеп оқу челленджі, «Мен, қазақ тілі мен әдебиеті пәнін қаншалықты деңгейде білемін?» Play Kahoot платформасында сайыс сабақ, «Тәуелсіз елдің тұңғыш Президенті» тақырыбында презентация қорғау, «Ахмет Байтұрсыновтың қырық мысалы несімен құнды?» атты дөңгелек үстел өткізілді. Өтізілген іс –шараға мектеп оқушылары, сынып жетекшілер және пән мұғалімдері жұмыла ат салысып, белсенділік танытты.
• 09.12.2020 Қарашаның 16-20-сы аралығында «Тіл -өлшеусіз қазына, өрісі кең әлем» тақырыбында оқушылардың тіл сауаттылғы мен қатар сыни-ойлау қабілетіне, жан-жақты сауаттылығына және өнерге қызығушылықтарын арттыру мақсатында орыс сыныптарында қазақ тілі мен әдебиеті апталығы өтті. Апталық аясында 9Б сынып оқушылары арасында «Латын әліпбиіне көшу-заман талабы» атты Ахмет Байтұрсынұлының шығармашылығы бойынша диктант, «Менің Отаным-Қазақстан» суреттер көрмесі және мәнерлеп өлең оқу челленджі, «Сен де бір кірпіш дүниеге, кетігін тап та бар қалан!» эссе жазу байқауы іс-шаралары қашықтықтан ұйымдастырылды. Іс-шараларды өткізген: қазақ тілі және әдебиеті пәнінің мұғалімі Аргунбаева Арай Сайрановна.
• 08.12.2020 03.12.2020ж. күні педагог-психолог М.С.Отарбаеваның ұйымдастырылуымен оқушылар мен мұғалімдерге арналған "Балалардың өмірлік дағдылары мен әлеуметтік-эмоционалды дамуын қалыптастыру” жобасы бойынша онлайн кездесу өткізілді. Кездесудің мақсаты: Жасөспірімдерде кездесетін өмірлік жағдайлар туралы балалар мен мұғалімдердің хабардарлығын арттыру. Онлайн кездесуге 45 оқушы, 8 мұғалім қатысты. Кездесу барысында “Өз қалпыңнан айныма”, “Блэк Джек айлағы: Қайғыны жеңген бала”, “Бұзақы балалардан қалай қорғанамыз?”, “Ашуыңды жеңе біл”, “Депрессия”, “Эмоциялар”, “Сағың сынбасын. Мазасыздық пен үрейді жеңу тәсілдері”, “Менің де ата-анам ажырасқан. Балалардың балаларға арнап жазған кітабы”, “Жаңа сынып пен жаңа ортада өзіңді қалай ұстау керек?”, “Мінсіз адам жоқ”, “Әлсізді қорға”, “Жұрт мен туралы не дейді?”, “Өзіңді түсін!”, “Қызғаншақ бүолу жақсы ма?”, “Қателеспейтін адам жоқ”, “Ажырағым келмейді”, “Ұялшақ болғым келмейді”, “Мен тым уайымшылмын”, “Сабыр сақта” кітаптары қысқаша талқыланды. Оқушылар “Өз қалпыңнан айныма”, “Сабыр сақта”, “Сағың сынбасын. Мазасыздық пен үрейді жеңу тәсілдері” кітаптарына қызығушылықтарын білдірді.
• 01.12.2020 Құрметті, оқушылар, ұстаздар, ата-аналар! Баршаңызды ҚР Тұңғыш Президенті күнімен шын жүректен құттықтаймын. Қазақ тарихында халқын ақылмен, парасатпен басқарған хандар болған. Солардың сара жолымен, сындарлы саясатымен егеменді елімізді көп жылдар бойы басқарған Елбасы Нұрсұлтан Әбішұлы Назарбаевтың орны ерекше. Елбасы есімі Егемендік, Тәуелсіздік, Қазақстан, Отан, Бірлік, Мәңгілік Ел сияқты ұғымдармен қатар айтылады. Елбасы – татулығымыздың, береке-бірлігіміздің, тұрақтылығымыздың кепілі. Тұңғыш Президентіміздің еңбек жолы - жас қазақстандықтар үшін үлгі мен тағылымның мектебі. Елбасының саяси көрегендігі мен сарабдал саясатының арқасында Қазақстан дамудың ерекше, асқақ жолын таңдады, сөйтіп, елімізді саяси-экономикалық және әлеуметтік реформаларды табысты жүзеге асырған аймақтық көшбасшысына айналдырды. Барша қазақстандықтар сияқты біз Отанымызды сүйеміз, тәуелсіз мемлекетіміздің Тұңғыш Президентін мақтан тұтамыз. Біздер үшін Қазақстан азаматы болу – үлкен жауапкершілік және абыройлы мәртебе! Осынау мерекелі күні барлықтарыңызға мықты денсаулық, отбасылық бақ-береке, ынтымақ пен мейірім тілеймін. Ізгі тілекпен, Көкшетау қаласы білім бөлімінің №22 орта мектебінің директоры Баймаганбетова Римма Кенжебулатовна
• 17.09.2020 Хабарландыру
• 30.06.2020 Құрметті ата-ана! Назар аударыңыз! Егер балаңыздың бойынан: - себепсіз мінез-құлқының өзгеруін; - сүйікті іс-әрекетінен бас тартуын және оған деген ынтасының жоғалуын; - тұйықталуын, жиі оқшаулануын; - әдеттегіден тыс көп ұйықтауын; - әдеттегіден тыс ашуланшақтық болуын; - абайсыз, қауіпті әрекеттерді жиі жасауын байқасаңыз, онда бұл балаңыздың бойында, назар аударуды талап ететін, эмоционалды қиындықтардың орын алуын көрсетуі мүмкін. Ол үшін білікті мамандармен байланысып, психологиялық кеңестер алуға болады: www.covid-19.mentalcenter.kz/children-kaz, www.telefon150.kz және www.bfline.org. Барлық онлайн кеңестер тегін. Құрметті ата-ана! Назар аударыңыз! Егер балаңыздың бойынан: - әдеттегі іс-әрекетке деген қызығушылығының жоғалуын, күнделікті белсендігінің төмендеуін; - жиі күрсінуін; - жиі пессимистік танытып, қайғылы әуенде музыка тыңдау; - жақсы көретін заттарына немқұрай қарауын; - сөз арасында өзіне деген жеккөрушілік сезімін; - өзіне тән емес мінез-құлық танытуын байқасаңыз, онда бұл балаңыздың бойында, назар аударуды талап ететін, эмоционалды қиындықтардың орын алуын көрсетуі мүмкін. Ол үшін білікті мамандармен байланысып, психологиялық кеңестер алуға болады: www.covid-19.mentalcenter.kz/children-kaz, www.telefon150.kz және www.bfline.org. Барлық онлайн кеңестер тегін. Құрметті ата-ана! Назар аударыңыз! - Егер балаңызды түсінуден қалсаңыз - Егер балаңыздың аузынан өмір сүргісі келмейтінін білдіретін сөздерді естісеңіз - Егер балаңыздың аузынан: «Мен өмірден шаршадым...», «Менің отбасыма менсіз жақсы болар еді», «Мен өлсем, кімнің шаруасы бар онда», «Мен кеткім келеді», «Мен бұдан былай өмір сүргім келмейді», «Жақында мен туралы алаңдамайтың боласыздар», - деген сөздер естісеңіздер, онда бұл балаңыздың бойында, назар аударуды талап ететін, эмоционалды қиындықтардың орын алуын көрсетуі мүмкін. Ол үшін білікті мамандармен байланысып, психологиялық кеңестер алуға болады: www.covid-19.mentalcenter.kz/children-kaz, www.telefon150.kz және www.bfline.org. Барлық онлайн кеңестер тегін.
• 23.06.2020 1-сыныпқа құжаттарды қабылдау.
• 19.06.2020 Бастауыш сынып мұғалімі Кусаиновна Г. Т. және 1 ,,А"" сынып оқушысы Мырзағали Кәусар Абайдың 175 жылдығына орай өткізілген облыстық онлайн ,, Екі жұлдыз"" конкурсына қатысқаны үшін құрмет грамотасымен марапатталды. Құттықтаймыз!!!
• 17.06.2020 2020 жылы Көкшетау қаласының жалпы орта білім беру мекемелерінің Жас қозғалыс инспекторлары жасақтарының арасында қашықтықтан қалалық байқауы өткізілді. Байқау нәтижесінде мектебіміздің "Добрая дорога" командасы ІІІ-ДӘРЕЖЕЛІ дипломға ие болды. Құттықтаймыз!!!     
• 09.06.2020 Мектебіміздің ұлағатты ұстазы Өміргүл Жарқынбайқызына арналған ата- аналардың алғыс сөздері. "Kókshetaý" қалалық газеті, 4 маусым, 2020 жыл, №22 (14198), 6 бет.