Ата-аналар жиналысы!

Мамырдың 20-сы күні оқу жылының аяқталуына орай, жалпы мектепішілік ата-аналар жиналысы өтті. Жиналыста 22 жалпы орта білім беретін мектебінің директоры Р.К.Баймаганбетова 2022 жылдың 1-тоқсаны бойынша мектеп бюджетінің қаржылық шығыстары жөнінде есеп берді, сонымен бірге, білім алушылардың ата-аналарынан ақшалай қаражат жинауға тыйым салу туралы мәселесін көтерді. 2021-2022 оқу жылын аяқтау және 9-11 сыныптарда қорытынды аттестаттауды өткізу туралы, "Қылмыстың алдын алу және қараусыз қалдыру бойынша отбасы мен мектептің әрекеті", Қазақстан Республикасының 2014 жылғы 5 шілдедегі №235-V «Әкімшілік құқық бұзушылық туралы» Кодексінің кейбір баптарымен таныстыру, 2022-2023 оқу жылына бірыңғай мектеп формасына қойылатын талаптар туралы Ережемен таныстыру, бекіту, "Ғаламторға тәуелділіктің алдын-алуда ата-ананың рөлі", Жазғы мектепті ұйымдастыру жөнінде, білім алушылардың жазғы демалысын ұйымдастыру және т.б. өзекті мәселелер қарастырылды. Ата-аналар кәсіптік бағдар: техникалық және кәсіптік білім беру ұйымдарынан шақыртылған мамандардың таныстырылымын тамашалап, өздерін толғандырған сұрақтардың жауабын алды.